پہ شھید بھار جان پنامے گھرامءَ | سراج نور

پہ تئی نامءَ فدا اَنت مھرءِ اجگیں پُل
‎ میتگءِ دمکاں ابیتکیں گواہ نہ کنت بُلبل

‎ ھُشکیں کیلگ ھنچُش اَنت کہ بس تئی ترانءَ اَنت
گریتگیں چم زھیر جیڑ اَنت آزمانءَ اَنت

‎ھو مروچاں راموءِ کشکانی در بند اَنت
‎ما ودار اِیں دژمناں پہ ھون میچین اِیں
‎سرومگیں ڈن ءُ ڈگاراں پنجکُاں شین اِیں
‎جھدءِ سرشم چمءِ روک، پگرانی مھرءِ ٹُل
‎  پہ تئی نامءَ فدا اَنت مھرءِ اجگیں پُل

‎یاگی ئیں ھمبل تئی بُر اَنت مزاری پند
‎ چاگلءَ پیوستیں تُنءِ کیپ ءُ ترونگل ھند
‎شون تئی ساچِشت بنت پہ دیدگاں ڈیھءِ
‎ کشک منزل بنت پدا ارمان نازینکی
‎شکلیں جنگانی کسہ چیدگ ءُ رھشون
‎ بچ پُرسیگ اَنت ءُ سنگت وش تبیں جھدءِ
‎ مھر پدرپتگ دل اِنت بژنیگ پہ چاڑ ءُ ھُل
پہ تئی نامءَ فدا اَنت مھرءِ اجگیں پُل

‎کوکو وش الھان شنزارنت کلی کُھتیں
‎ بنت ارمانی پہ تو تئی کسّھاں کار اَنت
‎ شاد الھانی سپت دار انت شپنّدی اُست
بچ ھمبازنت مرگءَ پہ مڑاہ ءُ شان
جی تئی بامردیءَ بات ،جی تئی ایمان
‎روستمءِ پدرند ابدمان انت مدامی پہ
اے مُرید دنت چون ھانی شاتگامی پہ
‎ ساڈ لبزاں تو سراج بچاں پہ کولیگیں
مادریں ڈیھءَ پہ کولیگ اَنت ستاہ شارُل
پہ تئی نامءَ فدا اَنت مھرءِ اجگیں پُل