بی این ایم رہنما رحیم بلوچ نے اپنے ایک ٹویٹ میں کہا ہے کہ پاکستان کے سینٹ کی قائمہ کمیٹی برائے دفاع کے چیئرمین مشاہد حسین سید کے اس بیان بیان پر ”ریاستی اداروں سے غلطی ہو ہے تو حفیظ بلوچ سے معافی مانگیں“پر ردعمل دیتے ہوئے کہا کہ ”معافی ازالہ نہیں ہے۔ انٹیلی جنس اہلکار جنہوں نے حفیظ کو زبردستی غائب کیا اور سی ٹی ڈی کے اہلکار جنہوں نے صرف خفیہ ایجنٹوں کے جرم کو چھپانے کے لیے ان کے خلاف من گھڑت مقدمہ درج کیا، انہیں طاقت کے غلط استعمال اور حفیظ اور ان کے اہل خانہ کو بے جا اذیت پہنچانے کے لیے جوابدہ ہونا چاہئے۔“
واضع رہے کہ گذشتہ روز پاکستان کی سینٹ کی قائمہ کمیٹی برائے دفاع کے چیئرمین اور قائمہ کمیٹی برائے انسانی حقوق کے رکن مشاہد حسین سید نے ایک اجلاس کے دوران کہا تھا ”ریاستی اداروں سے غلطی بھی ہو سکتی ہے اور اگر ایسا ہے تو ادارے حفیظ بلوچ سے معافی مانگیں۔۔ کہہ دیں کہ غلط شناخت کا معاملہ تھا۔ ہونا بھی یہی چاہیے کہ کسی کو غلط سزا نہ ملے۔ حفیظ کو غلط الزام کے تحت زیرِ حراست رکھا گیا لیکن سزا نہیں دی گئی۔ ایسی صورت میں سادہ حل معافی مانگنا ہے۔“
