دستونک | اختر ندیم بلوچ

ترمپکے وارتگ دلءِ گپءَ جناں
درد دلءَ آرتگ دلءِ گپءَ جناں

تو نماز وانتگ ءُ رد داتگ وتا
من شراب وارتگ دلءِ گپءَ جناں

بس ترا گنداں وتا مانا کناں
دل من نزآرتگ دلءِ گپءَ جناں

تو وتی جندءَ اڑئے سہتءُ دمان
من کہ شیوارتگ دلءِ گپءَ جناں

شپ شرابءِ نیتءَ ہمراہ منی
روچ کہ پلگارتگ دلءِ گپءَ جناں

زانتءُ سساءِ کہ من منوگراں
پنگ گیوارتگ دلءِ گپءَ جناں

شئے اوں مانیت بلکنہ گوں سنگتاں
سنگتاں چارتگ دلءِ گپءَ جناں