دنیا کے ممالک کے قرضوں اور اس کے وسائل کے متعلق ریٹنگ جاری کرنے والی بڑی کمپنی فچ نے خبردار کیا ہے کہ روس جلد اپنے قرضوں کے باعث دیوالیہ ہو سکتا ہے کیونکہ اس نے روس کے ضمانتی بونڈز کی قدر کو مزید نیچے گرا کر ’جنک‘ کیٹیگری میں شامل کر لیا ہے۔
فچ ریٹنگ نے روس کی سب سے نچلی سطح پر درجہ بندی کی ہے جبکہ اس سے ایک روز قبل اس کے سرمایہ کاری کے رتبے کو بھی کم کر دیا تھا۔
یوکرین پر حملے کرنے کے نتیجے میں لگنے والی معاشی پابندیوں کے تناظر میں یہ روس کو قرض کی رقم ادا کرنے کی اہلیت پر ایک اور دھچکا ہے۔
رواں ہفتے ماسکو نے کہا تھا کہ اس کے قرض ادائیگی کے معاہدے عائد معاشی پابندیوں سے متاثر ہو سکتے ہیں۔
فچ کی جانب سے یہ اعلان ایک ایسے وقت میں آیا ہے جب امریکہ اور برطانیہ نے روس سے تیل کر درآمد پر پابندی عائد کی ہے۔
