بلوچستان کے ضلع چاغی کے علاقے سیندک میں سیندک پروجیکٹ انتظامیہ کی جانب سے کورونا ایس اوپیز کے حوالے سے سخت ترین پابندیوں روزانہ ٹیسٹ لینے ملازمین کو چھ تا آٹھ مہینوں تک چھٹیاں نہ دینے خلاف ایک طرف بلوچ خواتین کا احتجاج جاری ہے جبکہ دوسری جانب قرنطینہ سینٹر کی دوسو کے قریب ملازمین اور ٹاؤن شپ کے سینکڑوں ملازمین سراپااحتجاج ہیں۔
تفصیلات کے مطابق گزشتہ کئی برسوں سی چائنیز مینجمنٹ کے ہٹ دھرمی اور ملازمین پر سخت پابندیوں اور رویے سے تنگ کرنے کاسلسلہ جاری کئی ہے۔جس سے کئی ملازمین نے استعفیٰ دیکر ملازمت کوخیرباد کہہ دیاہے۔
اب بھی اکثرملازمین کاکہناہے کہ جس طرح کی پابندیاں اور نامناسب رویہ ہمارے ساتھ گذشتہ کئی برسوں سے کی جارہی ہے وہ توقیدیوں کے ساتھ بھی نہیں کی جاتی۔
انکا کہنا ہے کہ کورونا صرف چھوٹے بلوچ ملازمین کے لئے ہے۔ چائنیز مینجمنٹ اور پاکستانی افسران کے لئے کوئی ایس او پیز نہیں۔
اطلاعات یہ بھی آرہی ہیں کہ خواتین جوکہ پروجیکٹ کے قریبی علاقوں سے احتجاج پوائنٹ پرموجودہ ہیں انکے سامنے مقامی معتبرین رکاوٹیں پیداکرکے انھیں احتجاج سے روکنے کی کوشش کررہے ہیں مگر خواتین پیچھے ہٹنے کو تیارنہیں ہیں۔
خواتین کا مطالبہ ہے کہ مقامی آبادی کیساتھ سخت ترین پابندیاں ختم کی جائیں اور بنیادی سہولیات کیلئے اقدامات کئے جائیں تاکہ مقامی آبادی چین سے رہے سکے۔
