بلوچستان کے ضلع کچھی میں سانحہ اعوان گوٹھ کیخلاف مظاہرین نے ضلع کچھی بولان ویئر ڈھاڈر کے مقام پر احتجاجاََروڈ بند کردیا۔جس کی وجہ سے کوئٹہ سے سندھ جانے والی شاہراہ ٹریفک کیلئے بند ہوگئی۔دونوں جانب گاڑیوں کی لمبی لمبی لائنیں لگ گئیں۔
سندھ بلوچستان نیشنل ہائی وے ڈھاڈر کے مقام پر سینکڑوں افراد نے احتجاج کیا۔
مظاہرین نے غیر معینہ مدت کے لیے سندھ بلوچستان قومی شاہراہ بند کرکے اعوان برداری و علاقہ ضلع بھر سے تعلق رکھنے والے افراد نے سندھ بلوچستان نیشنل ہائی وے پر دھرنادیدیا۔
مظاہرین نے سانحہ اعوان گوٹھ میں ملوث ملزمان کی گرفتاری کا مطالبہ کرتے ہوئے کہاکہ جب تک سانحہ اعوان گوٹھ کے قاتلوں کو گرفتاری نہیں کیا جاتا تب تک نیشنل ہائی وے بند رہے گی۔
واضع رہے کہ ضلع کچھی میں 12 نومبر کو فائرنگ کرکے اعوان برادری سے تعلق رکھنے والے 5 افراد کو قتل کیا گیا تھا۔