بلوچستان کے سونمیانی وندر کے ساحلی علاقے ڈام بندرسے گزشتہ روز اپنے دوسرے ساتھیوں کے ساتھ گہرے سمندر میں مچھلی کے شکار کیلئے جانے والا منور علی ولد غلام محمد کھدائی ساکن ٹھٹھہ سندھ چند روز قبل کشتی سے رات کے وقت سمندر میں گر کر لاپتہ ہوگیا تھا جس کی نعش جمعرات کے دن ساحلی علاقے لسی کنڈ کے قریب ساحل سمندر پر برآمد ہوئی۔
جس کی اطلاع مقامی ماہی گیروں نے مقامی پولیس اور محکمہ فشریز ڈام بندر کے عملے کو دی۔
جس پر محکمہ فشریز نے مقامی ماہی گیروں کی مدد سے ڈوبنے والے ماہی گیر کی نعش کو ڈام بندر میں پہنچانے کے بعد اس کے ورثا کو نعش کے ملنے کی اطلاع دی۔
جنہوں نے وندر کے سرکاری ہسپتال میں پہنچ کر نعش کو منور علی کے نام سے شناخت کرلیا۔
وندر پولیس نے ضابطے کی کارروائی کے بعد نعش کو ورثا کے سپرد کردیا۔
