بلوچستان کے ضلع کیچ اور پنجگور سے اطلاعات ہیں کہ پاکستانی فورسز نے6 افراد کو حراست میں لے کر جبری طور پرلاپتہ کر دیا ہے۔
تفصیلات کے مطابق کل رات پاکستانی فورسز نے رات گئے ضلع کیچ کے تحصیل تمپ میں گومازی کے مقام پر چھاپہ مارکر چار افراد کو حراست میں لینے کے بعد لاپتہ کردیا ہے۔
لاپتہ ہونے والوں کی شناخت اعجاز ولد مراد محمد، شھداد ولد الہی بخش منشی، ندیم ولد صدیق ملنگ، شریف ولد جاسم اور عظیم ولد گل محمد کے ناموں سے ہوئی ہے۔
ذرائع کے مطابق آپریشن کے دوران فورسز نے گھروں میں موجود خواتین و بچوں کو شدید تشدد کا نشانہ بھی بنایا ہے۔
دریں اثنا گذشتہ دنوں ضلع پنجگور کے علاقے گرمکان سے فورسز نے مجاہد نامی شخص کو حراست میں لے کر لاپتہ کیا ہے۔
