بلوچستان کی حکومت نے کورونا وائرس کے خدشے کے پیشِ نظر گڈانی شپ بریکنگ یارڈ میں ناکارہ بحری جہازوں کی آمد پر پابندی لگا دی ہے۔
اس سلسلے میں ڈائریکٹر جنرل محکمہ ماحولیات بلوچستان کے دفتر سے جاری کردہ ہینڈ آو¿ٹ میں کہا گیا ہے کہ گڈانی شپ بریکنگ یارڈ میں ناکارہ جہازوں کے لنگر انداز ہونے پر چار ہفتوں کے لیے احتیاطاً پابندی عائد کی گئی ہے۔
ان کے مطابق یہ پابندی کورونا وائرس کی روک تھام اور محنت کشوں کی صحت اور تحفظ کے تقاضوں کو مدنظر رکھتے ہوئے لگائی گئی ہے۔
پابندی ختم ہونے کے بعد تمام ناکارہ بحری جہازوں کو گڈانی شپ بریکنگ یارڈ میں لنگر انداز ہونے کے لیے حکومت بلوچستان کے متعلقہ محکموں سے مکمل اجازت نامہ اور کلیئرنس سرٹیفکیٹس کے ساتھ بحری جہاز کے عملے کے لیے فٹنس سرٹیفکیٹ بھی لازمی قرار دیا گیا ہے۔
