بلوچستان کے دارالحکومت کوئٹہ میں پاکستان فورسز ایف سی پر بم حملہ ہوا ہے جس میں ہلاکتوں کی اطلاعات ہیں۔
تفصیلات کے مطابق بلوچستان کے دارالحکومت کوئٹہ میں سریاب روڈ پر حق آباد ریلوے پھاٹک کے مقام پر دھماکہ ہوا ہے جس کے نتیجے میں فورسز اہلکاروں کو جانی نقصانات اٹھانے کی اطلاعات ہیں۔
ذرائع کے مطابق فرنٹیئر کور اہلکار گاڑی اور موٹر سائیکلوں پر گشت کررہے تھے کہ اچانک دھماکہ ہوا ہے۔
پولیس کی بھاری نفری موقع پر پہنچ گئی ہے اور جائے وقوعہ کو گھیرے میں لے کر تحقیقات کا آغاز کر دیا گیا ہے۔
اطلاعات کے مطابق دھماکہ ریلوے ٹریک کے قریب ہوا ہے جبکہ پولیس نے جائے وقوعہ کو سیل کر دیا ہے۔
حکام نے تاحال اس حوالے سے کوئی موقف پیش نہیں کیا ہے۔
