بلوچستان عوامی پارٹی (باپ)کے رہنما اور سابق اسپیکر قدوس بزنجو آج بلوچستان کے نئے کٹھ پتلی وزیر اعلیٰ کے عہدے کا حلف اٹھائیں گے۔
ترجمان گورنر ہاؤس کے مطابق وزیراعلیٰ بلوچستان کی حلف برادری کی سادہ مگر پروقار تقریب آج چار بجے گورنر ہاؤس میں منعقد ہو گی۔
گورنر ہاؤس کے اعلامیے کے مطابق قدوس بزنجو وزیر اعلیٰ کے عہدے کا حلف اٹھائیں گے،گورنر بلوچستان سید ظہور آغا قدوس بزنجو سے وزارت اعلیٰ کا حلف لیں گے۔
حلف برادری کی تقریب میں اراکین اسمبلی، سیاسی جماعتوں کے رہنما اور سول و ملڑی حکام شرکت کریں گے۔
خیال رہے کہ بلوچستان عوامی پارٹی (بی اے پی) کے رہنما جام کمال نے اپنی ہی جماعت کے باغی اراکین کی جانب سے تحریک عدم اعتماد پر اسمبلی میں ہونے والی رائے شماری سے ایک روز قبل ہی وزارت اعلیٰ کے عہدے سے استعفیٰ دے دیا تھا جس کے بعد بی اے پی نے نئے وزیراعلیٰ کے لیے قدوس بزنجو کو نامزد کیا تھا۔
