ندر پہ شہید شیھک شاہ ءِ نام ءَ
در نہ یتکگ بِھ دپ ءَ چہ آہ ءُ پریاتے منی
تو کُشاں کہ بوتگ ئے ھروچ دگہ براتے منی
نودی سر شنزّاں مدامی نَپت چو گورتگ مئے سرا
تیر جنتیں سینگ ءَ پُورہ گشئے زِرگواتے منی
ڈیھ پہازاں پہ وتی ما موتک نیارت ھچ کدی
جنت ایں نازینک پہ شہیداں ڈیھ ءِ ھر ماتے منی
ھؤ منارا گون اَنت تئ چندے دلسِندیں زھیر
گوں ترا گون اِنت بگندئے گِندُکی یاتے منی
زند ءِ ھر ساھت منی کہ کرنی زمزیل بستگ اَنت
راھ ءِ ھرگام ءَ جتگ تو دُور بُنیں چاتے منی
سنگت ءُ براتاں منی چہ سر نہ یتک ءَ یک کَسے
سُتکگیں ھلکی پُراَنت ءُ ایوکیں زاتے منی
اتک ءُ مارا زیل ء وشبو ءَ وتی شُشتے عُمر
رَپت ءُ اُمر ء جیڑگاں یک آسرے داتے منی
