بلوچ بزرگ رہنما میرعبدالنبی بنگلزئی نے اپنے جاری کردہ بیان میں کہا ہے کہ 80 سالہ خان محمد مری اور دیگر بلوچ مہاجرین کی افغانستان کے صوبے نیمروز میں افغان حکومت کی طرف سے گرفتاریاں اور گھروں پہ چھاپہ و تلاشی قابل افسوس اور مایوس کُن ہیں۔
انہوں نے مزید کہا کہ بلوچ اور پشتون کے ہمسایہ ہونے کی وجہ سے برادرانہ تعلق اور تعاون رہا ہے اور رہے گا ان اقوام کے درمیان تلخیاں پیدا کرنے کی تمام کوششیں ناکام ہونگی۔
بلوچ رہنما کا کہنا ہے کہ ہم افغان حکام سے درخواست کرتے ہیں کہ گرفتار بلوچ مہاجرین کو با عزت رہائی دی جائے تاکہ ہمسایہ دارانہ اور دوستانہ رشتوں کو قائم رکھا جا سکے۔