بلوچستان کے مرکزی شہر کوئٹہ سے تقریباً ستر کلو میٹر دور نامعلوم مسلح افراد نے فائرنگ کرکے چار کانکوں کو ہلاک کردیا ہے۔
فائرنگ کا واقعہ مارواڑ میں پیش آیا ہے۔
پولیس کے مطابق ہلاک ہونے والے کانکوں میں سے ایک کا تعلق افغانستان اور ایک کاکوئٹہ جبکہ دو کا تعلق شانگلہ سے ہے۔
ہلاک ہونے والوں میں عنایت الرحمان ولد شفیق سکنہ کہو ڈھیری اور گل حکیم شامل ہیں۔
ہلاک ہونے والوں کی لاشیں کوئٹہ منتقل کردی گئی ہیں تاہم واقعہ کے محرکات تاحال معلوم نہیں ہوسکے ہیں۔
