جبری طور پر حراست بعد لاپتہ ہونے والے لاپتہ بلوچوں کی بازیابی کے لئے لواحقین کی جانب سے پانچ فروری سے دو دونوں کے لئے کراچی پریس کلب کے سامنے عارضی بھوک ہڑتالی کیمپ قائم کی جائیگی
اس حوالے سے سماجی رابطے کی ویب سائیٹ ٹوپٹر پر لاپتہ راشد حسین کی بہن فریدہ بلوچ کا کہنا تھا کہ ہم دیگر بلوچ مسنگ پرسنز کے لواحقین کے ہمراہ اپنے پیاروں کی بازیابی کے لئے کل دوپہر دو بجے سے 48 گھنٹے تک کراچی پریس کے سامنے بیٹھ کر اپنا احتجاج رکارڈ کروائیں گے۔
انہوں نے تمام مکاتب فکر کے لوگوں سے اپیل کی ہے کہ وہ اس بھوک ہڑتالی کیمپ میں شرکت کرکے ہماری ساتھ دیں
فریدہ بلوچ لاپتہ راشد حسین کی بہن ہیں، فریدہ بلوچ الزام عائد کرتی ہے کہ گزشتہ سال 26 دسمبر کو راشد حسین کو شارجہ سے متحدہ عرب امارات کی حفیہ اداروں نے جبرا لاپتہ کرکے حبس بے جا میں رکھا اور کئی ماہ تک ٹارچر کرنے کے بعد پاکستان کے حوالے کیا تاہم راشد حسین کو منظر عام پر نہیں لایا گیا۔
کراچی میں بھوک ہڑتالی کیمپ کے بارے میں تین مہینوں تک پاکستانی فوج کے حراست میں رہنے والی بلوچ خاتون حانی بلوچ نے ایک ویڈیو پیغام میں پشتون سندھی اور دیگر اقوام اور سول سائٹی سے تعلق رکھنے والی لوگوں سے اپیل کرتے ہوئے کہا کہ جمعرات پانچ فروری سے کراچی پریس کلب کے سامنے ہم دو دنوں کے لئے احتجاج ریکارڈ کرائیں گے تمام لوگوں سے گزارش ہے کہ ہم لوگوں کا ساتھ دیں
