بلوچ آزادی پسند رہنما اختر ندیم بلوچ نے اپنے ایک تازہ ٹویٹ میں بلوچ نیشنل موومنٹ کی شہید رہنما بانک کریمہ بلوچ کے گھر پر پاکستانی فوج کی دہشت گردی کی مزمت کرتے ہوئے کہا ہے کہ مجھے فخر ہے لمہ جان آپ زندہ ہیں۔ ہوسکتا ہے کہ ہم آپ کے چاہنے والے کمزور ہوکر آپ کو بھول جائیں لیکن ہمارا بزدل دشمن ہمیں ہر روز تمہاری یاد دلائے گی۔
انھوں نے کہا آپ کے گھر کا دوبارہ گھیراؤ کیا گیا ہے۔ لمہ جان آپ ہماری روح اور ہماری طاقت ہیں۔
واضح رہے کہ گزشتہ روز تمپ ضلع کیچ میں واقع بانک کریمہ کے گھر پر پاکستانی فوج نے حملہ کیا ہے۔ ان کے خاندانی ذرائع نے بتایا ہے کہ گھر کو توڑا گیا ہے تاہم علاقے میں انٹرنیٹ کی سہولت نہ ہونے کی وجہ سے یہ معلوم نہیں ہوسکا کہ گھر کو کس قدر نقصان پہنچایا گیا ہے۔ بلوچ رہنما نے بلوچی زبان میں کیے گئے اپنے ٹویٹ اسی طرف اشارہ کیا ہے۔
