پاکستان کے سابق چیئرمین سینیٹ رضا ربانی نے کہاہے کہ وفاقی حکومت کی جانب سے سیکیورٹی کے نام پر گوادر شہر کو باڑ لگانا قابل مذمت ہے۔
اپنے بیان میں انہوں نے کہاکہ گوادر کے ارد گرد باڑ کھڑی کرنے کا فیصلہ شہر کو دو حصوں میں تقسیم کرتا ہے۔
انہوں نے کہاکہ جب دیوار برلن گر گئی، اور یہاں سیکیورٹی خدشات کے نام پر شہر کو تقسیم کیا جارہا ہے۔
انہوں نے کہاکہ وفاقی حکومت کے اس اقدام نے عوام میں شدید تشویش پیدا کردی ہے،وفاقی حکومت صوبوں کے جزائر پر قبضہ کرنے جا رہی ہے، وفاق کو گوادر سٹی پر باڑ لگانے کے اپنے فیصلے کو واپس لینا چاہئے۔
