گچک سے پاکستانی فورسز کے ہاتھوں دو خواتین اور دو بچوں سمیت نو افراد لاپتہ ہوگئے۔
بلوچستان کے علاقے گچک سے پنجگور کے علاقے گچک ٹوبہ سے عمر رسیدہ خاتون بی بی مریم زوجہ درمحمد کو ان کے دو کمسن نواسوں راشد ولد عواض اور اجمل ولد شاہجان کے ہمراہ پنجگورسے آتے ہوئے گچک ٹوبہ کے مقام پر پاکستانی فورسز نے لوکل گاڑی سے اتارتے ہوئے حراست میں لیکر نامعلوم مقام پر منتقل کردیا ہے۔
علاقائی ذرائع کے مطابق کمسن راشد اور اجمل دونوں طالب علم ہیں اور کیچ میں زیر تعلیم تھے جو چھٹیاں منانے اور اپنے خاندان سے ملنے اپنے آبائی علاقے جارہے تھے کہ راستے میں فورسز نے دوران حراست میں لیکر لاپتہ کردیا۔
اطلاعات کے مطابق گچک ہی کے علاقے کو تیس نومبر کو پاکستانی فورسز نے گچک کے رہائشی محمد کریم ولد یار محمد اور ان کی اہلیہ بی بی شاہ پری کو ان کے گھر سے حراست میں لیکر نامعلوم مقام پر منتقل کردیا تھا جس کے بعد ان کے حوالے سے کسی بھی قسم کی معلومات نہیں مل سکی۔
