چار اکتوبرمسنگ پرسنز کے لیے گورا قبرستان سے کراچی پریس کلب تک ریلی نکالی جائے گی۔
وائس فار مسنگ پرسنز سندھ،سندھ سجاگی فورم اور کراچی سول سائٹی کی جانب سے سندھی،بلوچ،پشتون،کشمیری،اُردو اسپیکنگ تمام لاپتہ افراد کی بازیابی کے لیے گورا قبرستان سے کراچی پریس کلب تک مارچ نکالی جائے گی،
انسانی حقوق کی سرگرم کارکن ھانی گل بلوچ نے ادارہ سنگر سے بات کرتے ہوئے کہا کہ ہم اس ریاست میں تمام لاپتہ افراد کے لواحقین سے اپیل کرتے ہیں کہ وہ اس مارچ کو کامیاب بنائیں۔انہوں نے مزید کہا کہ سول سوسائٹی اور انسانی حقوق کے کارکن ہمارے اس مارچ میں شامل ہو کر لاپتہ افراد کے لیے آواز بلند کریں۔
ھانی گل بلوچ نے کہا کہ تمام اقوام کے ساتھی اپنے لاپتہ پیاروں کی تصاویر ساتھ ضرور لائیں اور مارچ کا آغاز چار اکتوبر کی شام 4 بجے گورا قبرستان سے ہو گا۔
انہوں نے کہا کہ اسی طرح خاموش رہنے کی وجہ سے آج ہم ریاستی جبر اور نامعلوم افراد کے ہاتھوں اغوا ہو رہے ہیں اب وقت آگیا ہے کہ ہم اپنے حقوق اور پیاروں کی بازیابی کے لیے یکجا ہو کر جدوجہد کریں اور آواز اُٹھائیں۔
