بلوچستان کے علاقے قلعہ عبداللہ اور بولان میں سیلابی ریلہ وروڈ حادثے میں 2 بچیوں سمیت 3 افراد ہلاک ہوگئے۔
قلعہ عبداللہ میں سیلابی ریلے میں بہہ کر 2 بچیاں ہلاک ہوگئیں۔
لیویز ذرائع کے مطابق ضلع قلعہ عبداللہ تحصیل گلستان کلی ملک دین محمد سیگی میں گذشتہ شام اچانک سیلابی ریلے میں بہنے سے 2 بچیاں ہلاک ہوگئیں۔
دوسری جانب بولان شاہراہ پر ٹریفک حادثے میں ایک شخص ہلاک اور 3 زخمی ہوگئے۔
این 65 بولان شاہراہ ڈھاڈر کے مقام پر سوزوکی اور مزدا میں تصادم سے ایک شخص ہلاک جبکہ تین افراد زخمی ہوگئے۔
زخمی ہونے والوں کو سول اسپتال ڈھاڈر منتقل کیا گیا۔
ہلاک شخص کی شناخت اشیش کمار کے نام سے ہوئی۔
زخمیوں میں حبیب اللہ، عبدالغفار اور غلام فرید شامل ہیں۔
ہلاک اور زخمی ہونے والوں کا تعلق سبی سے بتایا جارہاہے۔
سوزوکی مچھ سے سبی جبکہ مزدا سندھ سے کوئٹہ جارہی تھا۔
