پاکستان میں سکیورٹی فورسزکے اہلکاروں نے پشتون تحفظ موومنٹ کے رہنما اور قومی اسمبلی کے رُکن علی وزیر کو پھر سے گرفتار کر لیا ہے۔
اطلاعات ہیں کہ پیر کو شمالی وزیرستان میں رُکن قومی اسمبلی کے ہمراہ اُن کی تحریک کے ساتھیوں کو بھی حراست میں لیا گیا۔
علی وزیر کو رواں سال فروری میں دو سال قید کے بعد رہا کیا گیا تھا۔
مقامی ذرائع کے مطابق وہ منظور پشتین اور دیگر کے ہمراہ پی ٹی ایم کے کارکنوں کی غیرقانونی حراست، تشدد اور ٹارگٹ کلنگ کے خلاف میرانشاہ میں دھرنا دیے بیٹھے تھے۔
واضع رہے کہ دو تین دن قبل علی وزیر اور منظور پشتین نے بلوچستان کا دورہ کیا تھا جہاں انہوں نے وائس فار بلوچ مسنگ پرسزن کیمپ میں شرکت کی اور بلوچ و پشتون کو یکجہتی کی اپیل کی تھی ۔
