بلوچستان کے محکمہ ماہی گیری نے بحرہ بلوچ میں طوفان کے امکانات کے پیش نظر ماہی گیروں کیلئے انتباہ جاری کیا ہے ۔
اس سلسلے میں جاری کردہ نوٹس میں کہا گیا ہے کہ موسمی اعدادوشمار شمار کی بنیاد پر یہ اندازہ لگایا گیا ہے کہ بحیرہ عرب میں ہوا کے کم دبائوکے باعث 08 جون 2023ءکو ایک سائیکلون “بپرجوے” بن رہا ہے ۔
مختلف طریقوں سے پتہ چلتا ہے کہ یہ طوفان مکران کے ساحل کی طرف بڑھنے کا امکان ہے اور JMICC سینٹر کی موسم پر گہری نظر ہے جوکہ وقتاً فوقتاً موسم کی صورتحال پر آگاہ کرتا رہے گا۔ اور محکمہ ماہی گیری بلوچستان گوادر ماہی گیروں کو موسم کی صورتحال سے اطلاع کرے گی۔
نوٹس میں تمام ماہیگیران کو مطلع وتاکید کی گئی ہے کہ 08 جون 2023ءسے لیکر 14جون 2023ءتک گہرے سمندر میں جانے سے گریز کریں اور اپنی کشتیاں معہ انجن، جال اور دیگر ماہی آلات کو محفوظ کریں اور احتیاطی تدابیر اختیار کریں تاکہ کسی قسم کی نقصانات اور پریشانی دوچار نہ ہوسکیں۔
