کنا لُمّا، کنا مادر
نا ہر اِیت کنا خنتا
نا ہر لوز کنا اُستا
نا گفتار نا کردار
نا پاروکا ہر حرف
لیک مثل خلتا
نی ہناس الاس ننے
لشکر یزید نا نیام ئٹی
شانتل نا کوکو ہنا
بلبل بے توار مس
روژنا آسمان تہار مس
نا ہننگ نا بنگس شہر و خلک
پیر و ورنا درخت و جنگل
کوچہ و مشک
ہر گِڑا مونجا اس
نی پدا بر
راجے خبر کر
دژمنا جلو کر
ورنا تغی یے
ہکّل ایت بش کر
اے دے ٹک نا مسافر
منزلے تینا تروکا
بر پدا آسر کر
ای ہمو نابود
نا منزل نا راہی،
نا ہمو جوزہ،
اف کنے بستار
نا ہمو رفتار
منزل نا خڑکی
جوزہ نا ورنا
ای چاوا
جاگہہ نا جوانے
کُلّے یلہ کر
اَلّے برک نی
تمپ بہارے موسم ہنینے
شالے ودارے
لُمّا برک نی
مادر برک نی
کنا لُمّا کنا مادر
نا ہر ایت کنا خنتا
نا ہر لوز کنا استا
نا گفتار
نا کردار
نا پاروکا ہر حرف
لیک مثل خلتا