بلوچستان کے ضلع کیچ کے علاقے کیلکور سے مصدقہ اطلاعات کے مطابق پاکستانی فورسز کی کی جانب سے فوجی چوکیوں کے خالی کرنے کا عمل تیزی کے ساتھ جاری ہے۔
مقامی ذرائع نے سنگر نیوزڈیسک کو بتایا کہ فورسز بڑی تعداد آج بروز پیرکیلکور کے مختلف علاقوں سے چوکیاں خالی کرکے بیس کیمپوں میں چلے گئے ہیں۔
خیال رہے کہ گذشتہ دنوں دشت سبدان میں فورسز چوکی پر بلوچ آزادی پسند مسلح جنگجوؤں کے حملے و 17اہلکاروں کی ہلاکت کے بعد شنید میں آیا ہے کہ فورسزاہلکارخوف اور ذہنی کوفت کا شکار ہیں جس کی وجہ سے وہ پہاڑی ایریاز میں ڈیوٹی دینے سے انکاری ہے۔
پاکستان آرمی کے چیف جنرل قمر جاوید باجوہ کا دورہ تربت اسی سلسلے کی کڑی بتائی جارہی ہے کہ وہ کس طرح ڈرے اور سہمے ہوئے اپنے سپاہیوں کی مورال بلند کرے۔
دریں اثنا ضلع بولان سے کاؤنٹر ٹیررازم ڈیپارٹمنٹ (سی ٹی ڈی)نے ایک شخص کو حراست میں لینے کے بعد لاپتہ کردیا ہے۔
لاپتہ ہونے والے شخص کی شناخت عثمان ولد گل محمد کے نام سے ہوئی ہے جنہیں بولان کے علاقے مشکاف سے حراست میں لیا گیا ہے۔
