راج تیوگئیں تئ وامدار
کل تئ زہیراں زیر بار
کریمہ بلوچ تؤ بشک مار
مئے کستر و ورنا و پیر
مئے چک مئے ماث اوں زہیر
پلیں وطن ءِ درشک دار
بچ گونڈلیں کاڑیں گہار
کل تئ زہیراں زیر بار
کریمہ بلوچ تؤ بشک مار
ہر ہر دلے ءَ تئ غمیں
سہریں زمیں آزماں مژیں
مئے درشک وجیذ گڑد تَلئیں
کل تئ زہیرئے زیر بار
کریمہ بلوچ تؤ بشک مار
مئے کھؤر لہڑ و کوہ سراں
پرسیگ بیل و ھمبلاں
مئے ڈاگ ڈان و سر شماں
مئے زر تیاب و بندراں
مونج ایں دلے گیرارغاں
کل تئ زہیراں زیر بار
کریمہ بلوچ تؤ بشک مار
سہب ءِ سمیں مئے بام رنگ
کڑد و کشار و کوہ درنگ
وشیں توار و ساز چنگ
کل تئ زہیراں زیر بار
کریمہ بلوچ تؤ بشک مار