بلوچستان کے علاقے لورالائی اورمستونگ میں فائرنگ سے 2 افرادہلاک ہوگئے۔
لورلائی کٹوئی کیمپ میں لڑائی جھگڑے کے دوران فائرنگ سے ایک شخص ہلاک ہوگیا۔
ایدھی ذرائع کے مطابق مقتول کی شناخت سمیع اللہ ولد عمران خان شنواری سکنہ کٹوئی کیمپ سے ہوگئی ہے۔
دوسری جانب مستونگ میں اتفاقیہ گولی لگنے سے ایک شخص ہلاک ہوگیا۔
علاقائی ذرائع کے مطابق آماچ ڈیم پر شکار کے غرض سے جانے والا عابد ولد حاجی موسیٰ خان بنگلزئی سکنہ غلام پڑینز مستونگ اتفاقیہ گولی لگنے سے ہلاک ہوگئے۔
پولیس نے ہلاک ہونے والے شخص کی لاش قبضہ میں لیکر شہید نواب غوث بخش میموریل ہسپتال منتقل کرکے واقع کی تفتیش شروع کردی ہے۔
