بلوچستان کے علاقے مستونگ میں نامعلوم مسلح افراد کی فائرنگ سے ایک پولیس اہلکار ہلاک ہوگیاجبکہ خضدار سے قبائلی شخص اخلاق خدرانی سمیت 2 افراد کو اغواء کرلیا گیا۔
مستونگ سے اطلاعات ہیں کہ نامعلوم مسلح افراد کی فائرنگ سے پولیس اہلکار ہلاک ہوگیا۔
پولیس کے مطابق پیر کومستونگ میں واقع نجی لائبریری کے قریب نامعلوم مسلح افراد کی فائرنگ سے پولیس اہلکار احسان اللہ ہلاک ہوگیا۔
پولیس نے نعش قبضے میں لیکر شہید نواب غوث بخش رئیسانی میموریل ہسپتال منتقل کرکے ضروری کارروائی کے بعد ورثاءکے حوالے کردی اور مزید کارروائی شروع کردی۔
دوسری جانب ضلع خضدار سے قبائلی شخص سمیت 2 افراد کو اغواءکرلیا گیا۔
سیکورٹی فورسز ذرائع کے مطابق ضلع خضدار کی تحصیل آڑنجی سے قبائلی شخص اخلاق خدرانی اورانکے بھائی جاوید کو نامعلوم مسلح افراد نے اغواءکرلیا جبکہ ان کا تیسرا بھائی اغواءکاروںسے بچ نکلا ۔
واقعہ کے بعد مسلح افراد مغویوں کے ہمراہ فرار ہونے میں کامیاب ہوگئے۔
سیکورٹی فورسز نے علاقے میں ناکہ بندی کرکے مغویوں کی بازیابی کیلئے سرچ آپریشن شروع کردیا۔
