بلوچستان کے مکران ڈویژن کے تمپ کے آسیا آباد کے علاقے میں جمعرات کی شام تقریباً 6 بجے افسوس ناک واقعہ پیش آیا جہاں چند کم عمر بچے برساتی ندی کا پانی دیکھنے نوکین راہ نذرآباد گئے تھے کہ اچانک پانی کے تیز بہاؤ نے تین بچوں کو بہا لیا۔
ذرائع کے مطابق دو بچے اپنی مدد آپ کے تحت پانی سے نکلنے میں کامیاب ہو گئے جب کہ ایک بچہ مدثر ولد مسلم ایوب سکنہ آسیا آباد تمپ (عمر تقریباً 9 سے 10 سال) تاحال لاپتہ ہے۔
واقعے کے بعد پولیس نفری اور مقامی افراد فوری طور پر موقع پر پہنچ گئے اور بچے کی تلاش کے لیے سرچ آپریشن جاری ہے۔
