بدھ کو پاکستانی فوج کے شعبہ تعلقات عامہ نے ایک بیان میں دعویٰ کیا ہے پاکستانی فوج نے منگل کو چار مختلف کارروائیوں میں خیبر پختونخوا میں 26 جبکہ بلوچستان کے علاقے سمبازا میں ایک کارروائی کے دوران 8 عسکریت پسندوں کو ہلاک کیا ہے۔
اس نے دعویٰ کیا گیا ہے کہ فوجی اہلکاروں نے شمالی وزیرستان میں پاک افغان سرحد سے ملک میں داخل ہونے والے شدت پسندوں کے گروہ کو نشانہ بنایا، جس کے نتیجے میں ایک عسکریت پسند ہلاک ہوا۔
انہوں کہا کہ ہلاک ہونے والا شخص افغان شہری تھا۔
بیان میں مزید کہا گیا ہے کہ اس کے علاوہ خیبرپختونخوا میں لکی مروت میں تین، بنوں میں 10 اور شمالی وزیرستان کے علاقے میر علی میں 12 عسکریت پسند ہلاک ہوئے۔
پاکستانی فوج کے مطابق سکیورٹی فورسز نے بلوچستان کے ضلع ژوب کے علاقے سمبازا میں بھی ایک انٹیلی جنس بیسڈ آپریشن میں 10 عسکریت پسندوں کو ہلاک کیا ہے۔
