بلوچستان کے علاقے مچھ سے اطلاعات موصول ہوئی ہیں کہ الہ آباد کے مقام پر پاکستانی فورسز اور مسلح افراد کے درمیان شدید جھڑپ کے نتیجے میں فورسز کے 3 اہلکار ہلاک جبکہ متعدد زخمی ہوگئے۔
ذرائع کے مطابق یہ واقعہ گزشتہ روز پیش آیا جہاں فورسز اور مسلح افراد کے درمیان دو پہر سے 4 بجے تک شدید جھڑپ جاری رہی۔
علاقائی ذرائع کا کہنا ہے کہ فورسز جارحیت کی غرض سے علاقے میں پیش قدمی کر رہی تھیں کہ پہلے سے گھات لگائے مسلح افراد نے مختلف اطراف سے شدید حملہ کردیا۔
ذرائع کے دعوے کے مطابق حملے کے نتیجے میں فورسز کو پیش قدمی روک کر پسپا ہونا پڑا۔
ذرائع نے دعویٰ کیاہے کہ فورسز نے متعدد مارٹر گولے فائر کیے، تاہم مسلح افراد کو کسی قسم کے جانی نقصان کی اطلاع موصول نہیں ہوئی۔
مذکورہ حملے کی ذمہ داری تاحال کسی تنظیم نے قبول نہیں کی ہے۔
