بلوچستان کے ضلع کیچ کے علاقے شاپک کے رہائشی صدام ولد محراب کے اہلِ خانہ نے تربت پریس کلب میں پریس کانفرنس کرتے ہوئے بتایا ہے کہ صدام کو 22 جولائی 2025 پاکستانی فورسز نے جبری گمشدگی کا نشانہ بنایا ہے۔
اہلِ خانہ کے مطابق صدام پیشے کے لحاظ سے گیریج مکینک اور محنت کش مزدور ہیں اور ان کا کسی بھی غیر قانونی سرگرمی سے کوئی تعلق نہیں۔
انہوں نے کہا کہ صدام کی گمشدگی کے بعد وہ متعدد مرتبہ ڈپٹی کمشنر کیچ اور دیگر متعلقہ حکام سے رجوع کر چکے ہیں، تاہم تاحال ان کی بازیابی کے حوالے سے کوئی پیش رفت سامنے نہیں آ سکی۔
اہلِ خانہ نے صدام کی سلامتی پر شدید تشویش کا اظہار کرتے ہوئے مطالبہ کیا کہ انہیں فوری طور پر بازیاب کر کے اہلِ خانہ کے حوالے کیا جائے اور گمشدگی کے واقعے کی شفاف تحقیقات عمل میں لائی جائیں۔
