2025 کا نوبل امن انعام ونزیویلا کی مرِیا کورِنا مَچَڈو کو دیا گیا ہے۔
کمیٹی نے ایک پوسٹ میں کہا ہے کہ مرِیا کورِنا مَچَڈو کو نوبل انعام برائے امن اس لیے دیا گیا ہے کہ انھوں نے وینزویلا کے عوام کے جمہوری حقوق کے فروغ کے لیے انتھک محنت کی اور آمریت سے جمہوریت کی جانب انصاف پسند اور پرامن تبدیلی کے لیے جدوجہد کی۔
2025 کا نوبل انعام برائے امن ایک ایسی ’خاتون کو دیا گیا ہے جو بڑھتی ہوئی تاریکی کے باوجود جمہوریت کی شمع کو جلائے رکھے ہوئے ہیں۔‘
مرِیا کورِنا مَچَڈو کو نوبل انعام برائے امن اس لیے مل رہا ہے کیونکہ وہ حالیہ وقتوں میں لاطینی امریکہ کی سب سے ’غیر معمولی مثالوں‘ میں سے ایک ہیں۔
کمیٹی کے چیئرمین نے مزید کہا کہ مَچَڈو ایک متحد کرنے والی شخصیت رہی ہیں۔
یہ کوئی راز نہیں کہ ڈونلڈ ٹرمپ نوبل انعام برائے امن چاہتے تھے۔ پاکستانی وزیراعظم شہباز شریف اور اسرائیلی وزیراعظم بنجمن نیتن یاہو ان چند عالمی رہنماؤں میں شامل تھے جنھوں نے امریکی صدر کو ناروے میں انعام کمیٹی کے سامنے نامزد کیا تھا۔
لیکن اگر ڈونلڈ ٹرمپ یہ جاننا چاہیں کہ اس کمیٹی کے دروازے کے پیچھے کیا ہوا، تو ان کے لیے مسئلہ ہوگا کیونکہ کاغذات 50 سال کے لیے خفیہ رکھے جاتے ہیں۔
