انڈیا کے وزیر اعظم نریندر مودی نے روسی صدرپوتن سے ٹیلیفونک رابطہ کیا ہے جس میں ان کو تعلقات کو مزید وسعت دینے کے اعادے کے ساتھ انھیں انڈیا دورے کی دعوت بھی دی ہے۔
ٹیلیفونک گفتگو کے بعد نریندر مودی نے اپنے سوشل میڈیا پر بیان جاری کرتے ہوئے کہا ہے کہ ’اپنے دوست پوتن کے ساتھ بہت اچھی اور تفصیلی بات چیت ہوئی ہے، ہم نے دوطرفہ ایجنڈے میں پیشرفت کا جائزہ لیا۔‘
انڈین وزیراعظم کا مزید کہنا تھا کہ یوکرین میں تازہ پیش رفت سے آگاہ کرنے پر روسی صدر کا شکریہ ادا کیا ہے اور کہا ہے کہ اس سال کے آخر میں روسی صدر پوتن کے دورہ انڈیا کا منتظر ہوں۔‘
مودی کے بیان کے مطابق ’ بات چیت میں روس اور انڈیا کے درمیان خصوصی اور مراعات یافتہ سٹریٹجک پارٹنرشپ کو مزید گہرا کرنے کے اپنے عزم کا اعادہ کیا ہے۔‘
