عراقی حکام کا کہنا ہے کہ ملک کے ایک شاپنگ سینٹر میں آگ لگنے سے کم از کم 60 افراد ہلاک ہو گئے ہیں۔
عراق کے شہر کوت العمارہ میں اس شاپنگ مال کا افتتاح صرف سات روز قبل ہوا تھا تاہم بدھ کی رات یہاں آگ لگ گئی۔
سوشل میڈیا ویڈیوز میں فائر فائٹرز کو شاپنگ سینٹر کی چھت سے لوگوں کو بچاتے ہوئے دیکھا گیا لیکن سرکاری میڈیا نے بتایا ہے کہ بہت سے لوگ ابھی بھی لاپتہ ہیں۔
آگ پر اب قابو تو پا لیا گیا ہے تاہم لاپتہ افراد کی تلاش کا کام ابھی تک جاری ہے۔
کوت العمارہ کے گورنر نے اس واقعے کے بعد تین روزہ سوگ کا اعلان کیا ہے۔
