بلوچستان کے علاقے لورالائی میں ژڑہ تھانہ ژوب کے بارڈر پر نامعلوم مسلح افراد نے مسافر ویگن پرفائرنگ کی۔
فائرنگ کے نتیجے میں ایک بچی موقع پر ہلاک جبکہ خاتون سمیت دو افراد زخمی ہوگئے۔
واقعہ کے بعد مشتعل عوام نے مجرموں کی گرفتاری کے لیے بچی کی لاش ڈپٹی کمشنر دفتر کے سامنے رکھ کر احتجاجاً شاہراہ بند کردی۔
دوسری جانب ضلع کیچ کے علاقے تمپ میں شوہر نے فائرنگ کرکے اپنی بیوی کو قتل کردیا۔
واقعہ تمپ کے علاقے کوہاڑ بلوچی بازار میں پیش آیا۔
ذرائع کے مطابق کوہاڑ بلوچی بازار میں معمولی تکرار ایک شخص نے اپنی بیوی کو گولی مار دی، جس سے وہ موقع پر ہلاک ہو گئی۔
