من ھما انت کہ فیس بک پچ کُرتگ چد ءُ پیسرھمے ھُش کتگ کہ بلوچ راجءَ را زبان زانت، زانتکار، نبشتہ کار کہ است انت آ اسیلیں راجدوست اَنت چو واجہ اباءِ دروشمءَ انت ۔ھمائی وڑءَ ھرچ وڑیں بدیں ساھت ءُ استانءِ بدیں ھیلھاں گوں وتی راجی جھد ءُ ادارھاں گوں بندوک بنت ۔
بلے پدا ھمے نامی ئیں زانتکار، شائر، واجہ کار کاینت سوشل میڈیاءَ بلوچ تحریک، سنگت، رھشون ، ادارہ،شھید ھرکسی بابتءَ ھرچی دل لوٹیت گُش اَنت۔ گُڑا ایشانی زانت، زانگ، شری، راجدوستیءَ را کدی ما پہ جھدءُ زرمبشتءِ ھکءَ گند ایں؟
بس ایشانی کچ ھمے کد انت کہ شائر انت، شئیر گُشتگ اش، کتابانی تھا اَنت ،گُڑا شر انت وتارا ھمودءَ بہ دار انت، ایشانی سوبءَ چنچو ورنا، سنگت دلپروش بیت ۔اول چہ ایشانی جندءَ پدا اگاں تحریکءِ ادارھاں چہ دلپروش بہ بنت کہ نا۔
منظور بسمل ءُ مجید آجز ھما میرءِ شنِکّ اَنت ایشاناں ھچ کِچ ءُ تُت پرنیست ۔بلوچ تحریک، رھشون، ادارہ، شھید ھرکسی بابتءَ ایشانی دل لوٹیت اے بیا انت فتویٰ شنگ بہ کن انت؟ ۔شھید لُمہ کریمہءِ بابتءَ منظوری شئیر انگت ھست؟ اے چے انت؟
واجوءِ بابتءَ ھمے رنگیں شئیرے، منظور بلوچی ادبءِ بلاھیں نامے بلئے ھمے شائریءَ را ھم بلوچ جھد ءُ جھدءِسنگتانی خلافءَ کارمرز بہ کنت۔ مطلب کسے چہ ایشانی کرءَ سر ٹیفیکیٹ نہ گپتگ پہ زبانءَ ھچ مہ کنت؟ راستی ایش انت اے چو پیسری لھتیں سنگتانی وڑءَ کہ آیاں بلوچ فدائیانی سرءَ لنکُک چست کرت چیاکہ آیانی زھنءَ اے کبول نہ کُرت کہ کسے مارا چے دیمترے کارے کُرت کنت، آیانی جیڑگءِ تھا نہ بوتگ کہ آ کار ما نہ کُرتگ ایشاں چوں کُرتگ۔
نوں ھم ھمے مسئلہ انت اے واجہ کارانی زھن کبول نہ کنت ما تیوگیں اُمرءَ بلوچی زبانءِ گپ جت، دانشوری، زانتکاریءِ جار جت مئے گوما اے کار بوت نہ کرت انت، چوں اے 8,9 سالءِ تھا زرمبشءَ اے کار کُرت انت؟ پدا مسلہ ایش انت اے کارانی تھا نا ایشانی بھرے گون انت نا کہ نام گون۔۔
ڈولی بیگ گُشیت:
اُمرےءَ ما دار یکیں داشتگءُ اوشتاتگیں
آ کہ مئے دیمءَ نہ کپتگ تو کُجا لاھو کُتگ
***
دلگوش : زیشان منان ، شہید بلوچ راہشون ڈاکٹر منان ءِ زہگ اِنت۔ بلوچی زبان ءِ تہا رجانک سازی ءُ اصطلاح سازی ءِ بابت ءَ بی این ایم ءِ احولکاری ادارہ زرمبش ءِ سرا یک باوستے بنا بوتگ۔ اے بابت ءَ بلوچی زبان ءِ نامداریں آزمانکار ءُ شاعرواجہ ناگمان ءُ واجہ منظور بسمل ءُ ،زرمبش ءِ بنیادکار،سیاستکارءُ احوالکار واجہ قاضی داد ریحان ءِ نبشتانک “سنگر” ویب تاک ءَ شنگ بوتگاں ۔ ذیشان منان ءِ نبشتانک ءَ ما ہمے باوست ءِ بہرے ءِ ھساب ءَ شنگ کنگائیں بلے ایشی ءِ تہا ہماجیڑہ کہ تران کنگی اِتاں ، آہانی سرا گپ جنئگ نبوتگ ۔بائد ہمیش ات کہ ہما نکتہانی سرا تران ببوتگ ات۔ چوناہا اے نبشتانک ادا شنگ کنگ ءِ کیلواہاں نئیت بلے ما لوٹیں کہ وانوک ہمک نبشتہ کار ءِ سنچ ءُ علمی بوشت ءَ بہ فہم ایت ۔ اے نبشتانک ءَ گوں ادارہ ءِ تپاکی المی نہ انت۔ادارہ سنگر
