بلوچستان کے علاقے ضلع کیچ کے دشت کھڈان میںپاکستانی فورسزکے کیمپ پر نامعلوم مسلح افراد نے حملہ کیا ہے اور دونوں جانب جھڑپیں جار ی ہیں۔
علاقائی ذرائع بتارہے ہیں کہ علاقے میں شدید فائرنگ و دھماکوں کی آوازیں آرہی ہیں ۔
یہ بھی اطلاعات سامنے آرہی ہیں کہ مسلح افراد کیمپ کو چاروں اطراف سے گھیرنے کے بعدقریب پہنچ چکے ہیں اور فورسز کو شدید حملے میں نشانہ بنا رہے ہیں۔
علاقائی ذرائع کی جانب سے بھیجی گئی آڈیو میں شدید فائرنگ کی آوازیں سنی جا سکتی ہیں۔
ذرائع نے مزید دعویٰ کیا ہے کہ مسلح افراد نے کیمپ میں موجود تما م اہلکار وں کوہلاک کرنے کے بعد کیمپ پر قبضہ کرلیا ہے تاہم آزادی ذرائع سے اس کی تصدیق نہیں ہوسکی ہے۔
دشت میں فورسز پر حملے کے حوالے سے اب تک عسکری حکام کا موقف بھی سامنے نہیں آیا اور نہ کسی تنظیم نے حملے کی ذمہ داری قبول کی ہے۔
