بلوچستان کے ساحلی شہر و سی پیک مرکز گوادر میں بلوچ راجی مچی گذشتہ 10 دنوں سے جاری ہے ۔
بلوچ یکجہتی کمیٹی (BYC) کے مرکزی آرگنائزر ڈاکٹر ماہ رنگ بلوچ راجی مچی دھرنے سے خطاب کر تے ہوئے کہا کہ ریاست پاکستان بلوچ قوم کو ہر ممکن طریقے سے تقسیم کرنے کی کوشش کر رہی ہے لیکن ناکام رہی ہے۔ مزید برآں، ریاست نے بلوچ عوام کے قومی شعور کو دبانے کے لیے اپنی تمام تر مشینری استعمال کی ہے، لیکن یہ بھی ناکام رہی ہے۔ آج ہزاروں بلوچ ریاستی جبر اور جاری بلوچ نسل کشی کے خلاف اکٹھے کھڑے ہیں۔
انہوںنے کہا کہ بلوچ عوام کی مزاحمت اور اتحاد مشکلات کا سامنا کرنے میں امید اور طاقت کی کرن ہے۔ جاری عوامی تحریک بلوچ قوم کے غیر متزلزل جذبے کا منہ بولتا ثبوت ہے اور جب تک ان کے حقوق کو تسلیم نہیں کیا جاتا اس وقت تک وہ مزاحمت جاری رکھیں گے۔
ان کا کہنا تھا کہ ریاست کو یہ جان لینا چاہیے کہ بلوچ قوم اس منظم نسل کشی کے خلاف جدوجہد سے کبھی باز نہیں آئے گی۔ بلوچ عوام کا اپنے مقصد سے وابستگی غیر متزلزل ہے اور وہ اس وقت تک اپنی جدوجہد جاری رکھیں گے جب تک کہ انہیں انصاف اور ان کے بنیادی حقوق کو تسلیم نہیں کیا جاتا۔
