بلوچستان کے دارلحکومت کوئٹہ میں لاپتہ افراد کے لواحقین کے پرامن مظاہرین پر ریاستی تشدد کے خلاف حق دو تحریک نے گوادر سمیت مکران بھر میں احتجاجی ریلیاں منعقد کرنے کا علان کیا ہے۔
اس سلسلے میں حق دو تحریک بلوچستان نے احتجاجی شیڈول جاری کردیا۔
حق دو تحریک بلوچستان کی جانب جاری کردہ بیان کے مطابق کوئٹہ میں لاپتہ افراد کے لواحقین پر ریاستی پولیس گردی اور بلوچستان حکومت کی بدمعاشی کے خلاف اور لاپتہ ظہیر بلوچ سمیت تمام لاپتہ افراد کی بازیابی کے لئے گوادر میں کل 14 جولائی بروز اتوار شام 5 بجے جاوید کمپلکس سے مکی مسجد تک حق دو تحریک بلوچستان کے مرکزی چئیرمین حسین واڈیلہ کی سربرائی میں ایک احتجاجی ریلی نکال جائیگی۔
اس کے علاوہ حق دو تحریک بلوچستان کی جانب سے آج تربت کیچ میں اور کل پنجگور میں بھی احتجاجی ریلی اور مظاہرے ہوں گے اس سلسلے میں عوام الناس، سیاسی کارکنان اور سول سوسائٹی سے بھر پور شرکت کی اپیل کی گئی ہے ۔
