بلوچستان کے علاقے وڈھ اور مانجھی پور میں فائرنگ کے 2واقعات میں 2 افرادہلاک ہوگئے۔
وڈھ میں نامعلوم افراد نے فائرنگ کرکے ایک شخص کو ہلاک کردیا۔
گزشتہ روز وڈھ کے علاقے کھڈنی میں نامعلوم افراد نے فائرنگ کرکے ایک شخص کو قتل کردیا اور فرار ہوگئے۔
لیویز نے نعش ضروری کارروائی کے بعد شناخت کے لئے اسپتال کے مردہ خانے میں رکھ دی ۔
مزید کارروائی لیویز کا عملہ کررہا ہے۔
دوسری جانب گزشتہ شب صحبت پور کے علاقے مانجھی پور میں تھانہ فرید آباد کی حدود میں نامعلوم مسلح افراد کی محمدشریف عرف کوڑا خان لاشاری سے موٹرسائیکل چھینے کی کوشش مزاحمت پر ڈاکوئوں نے فائرنگ کرکے محمدشریف عرف کوڑا خان لاشاری کو قتل کردیا۔
جبکہ پولیس نے ناکہ بندی کر کے نا معلوم ملزمان کی تلاش شروع کردی ہے۔
