بلوچستان کے ساحلی وسی پیک مرکزضلع گوادر کے تحصیل پسنی کے علاقے کلانچ سے پاکستانی فورسز نے 2 نوجوانوںکو حراست میں لیکر جبری طور پر لاپتہ کردیا ۔
لاپتہ کیے جانے والے نوجوانوں کی شناخت طارق ولد مراد جان اور حکیم ولد مجید کے ناموں سے ہوگئی ہے ۔
واقعہ آج صبح 9 بجے بروزجمعرات پیش آیا۔
علاقائی ذرائع کے مطابق کےفورسزو خفیہ اداروں کے ویگو میں سوار کارندوں نے دو نوجوانوں کو انکے گھر واقع ھُر کلانچ سے حراست میں لیکر اپنے ساتھ لے گئے جس کے بعد وہ لاپتہ ہیں۔
دوسری جانب نوشکی میں ڈاک ہزار جفت کے علاقے سے ایک نوجوان کی نعش برآمد ہوئی جسے گولی مار کر قتل کیا گیا ۔
نوشکی کلی شریف خان کے رہائشی پچیس سالہ محمد فہیم ولد کمال خان جو گزشتہ روز پکنک منانے کے لیے گھر سے نکلا تھا آج ڈاک ہزار جفت کے مقام پر اسکی نعش ملی جسے گولی مار کرقتل کردیا گیا ۔
نعش کو ضروری کارروائی کے لیے ٹیچنگ ہسپتال منتقل کردیاگیا جسے بعد میں ورثا کے حوالے کردیا گیا تاہم قتل کی وجہ معلوم نہ ہوسکی۔
