پاکستان نے زینبیون بریگیڈ کوکالعدم قراردیدیا

0
48

پاکستان کی وزارت داخلہ کی جانب سے شیعہ عسکریت پسند تنظیم زینبیون بریگیڈ کو کالعدم قرار دیے جانے کا نوٹیفکیشن جاری کیا گیا ہے، جس کے ذریعے اس عسکریت پسند گروپ کو غیر قانونی تنظیموں کی فہرست میں شامل کر دیا گیا ہے۔

زینبیون بریگیڈ کے حوالے سے کہا جاتا ہے یہ ایرانی عسکری حکام کی جانب سے تشکیل دیا مسلح شدت پسند گروہ ہے اور وہی اس کی مکمل فنڈنگ بھی کرتی ہے ۔کہا جاتا ہے کہ زینبیون بریگیڈ کو شام کی خانہ جنگی کے دوران اس وقت تخلیق کیا گیا جب انتہا پسند تنظیم داعش نے شیعہ مذہبی مقدس مقامات کو بم سے اڑانے کی دھمکی دی تھی۔

پاکستان کے نیشنل کاؤنٹر ٹیررزم اتھارٹی کی ویب سائٹ کے مطابق زینبیون بریگیڈ کو گزشتہ مہینے 29 مارچ کو اینٹی ٹیررازم ایکٹ 1997 کے شیڈیول ون کے تحت غیر قانونی قرار دیا گیا ہے۔ یوں یہ ان 79 تنظیموں میں شامل ہو گئی ہے جنہیں اگست 2001 سے لے کر اب تک مختلف اوقات میں کالعدم قرار دیا گیا ہے۔

LEAVE A REPLY

Please enter your comment!
Please enter your name here