بلوچستان کے دارلحکومت کوئٹہ میں آج ہونے والے دھماکے کے حوالے سے پولیس کا کہنا ہے کہ اس میں 8 سے 10 کلو بارودی مواد استعمال ہوا ہے۔
اسپینی روڈ دھماکے کے متعلق ایس ایس پی آپریشنز طارق جواد نے جائے وقوعہ پر میڈیا سے گفتگو کرتے ہوئے کہا ہے کہ سی پیک روڈ کی سڑک کنارے دھماکے میں ایک شخص ہلاک ہوا ہے، دھماکے میں 8 سے 10 کلو دھماکہ خیز مواد استعمال کیا گیا ہے۔
ان کا کہنا تھا کہ ہلاک شخص کی شناخت کے حوالے سے تحقیقات جاری ہیں۔
ان کا مزید کہنا تھا کہ ابتدائی تفتیش میں ہلاک شخص راہ گیر معلوم ہوتا ہے، دھماکے کی حدود میں کوئی انتخابی پروگرام نہیں تھا، انتخابی گہما گہمی کے حوالے سے سیکورٹی ہائی الرٹ ہے۔