بلوچ یکجہتی کمیٹی نے اسلام آباد میں بلوچ نسل کشی کیخلاف جاری دھرنا تحریک کو سنجیدہ نہ لینے پر کل پاکستان بھر میں شٹرڈائون ہڑتا ل کا اعلان کیا ہے ۔
اس سلسلے میں مائیکرو بلاگنگ ویب سائٹ ایکس پربلوچ یکجہتی کمیٹی کے ہینڈل سے تحریک کی قیادت کرنے والی ڈاکٹر ماہ رنگ بلوچ کی ایک ویڈیو پیغام شیئر کی ہے جس میں ان کا کہنا تھا کہ 3 جنوری کو ہمارا الٹی میٹم ختم ہو جائے گا۔ ریاست نے شروع سے ہی ہمارے مطالبات کے حوالے سے مستقل مزاجی اور غیر سنجیدگی کا مظاہرہ کیا ہے۔
ان کا کہنا تھا کہ بلوچ نسل کشی کے معاملے کی سنگینی کے باوجود، ریاستی حکام بلوچستان نسل کشی کیخلاف جاری تحریک کو محض پروپیگنڈہ قرار دے کر اسے جواز فراہم کرنے کی کوشش کر رہے ہیں۔اس لیے 3 جنوری کو ہم پاکستان بھر میں شٹر ڈاؤن مظاہرے کی کال دے رہے ہیں۔
ڈاکٹرماہ رنگ بلوچ کا کہنا تھا کہ ہم زندگی کے تمام شعبوں سے تعلق رکھنے والے لوگوں سے اپیل کرتے ہیں کہ وہ انسانیت اور بلوچ قوم کے نام پرشٹر ڈائون ہڑتال کے لیے ہماری کال کی وکالت کریں اور اس کا احترام کریں، جس کا مقصد ہماری شناخت کو برقرار رکھنا ہے۔
