بلوچستان کے ضلع گوادرکے ساحلی شہرپسنی میں گذشتہ روزمکران کوسٹل ہائی پر پاکستانی فوج کے قافلے پر حملہ اور درجنوں اہلکاروں کی ہلاکت کے بعدفوجی آپریشن کے نام پر ضلعبھر میں بڑے پیمانے پر فوجی جارحیت کا آغاز ہوچکا ہے۔
سنگر نیوز ڈیسک کو ملنے والی علاقائی اطلاعات کے مطابق فوجی آپریشن کے نام سے جاری فوجی جارحیت وسیع علاقے میں کی جاری ہے جس میں ضلع بھر کے پہاڑی علاقے جوگوادر،پسنی اور اورماڑہ کو ملاتے ہیںمیں آبادیو ں اور پہاڑی ایریا میں ہیلی کاپٹرشیلنگ کر رہے ہیں۔
علاقائی ذرائع کے مطابق زمینوں وفضائی جارحیت میں درجنوں ہیلی کاپٹر ،ڈرون جہازاور زمینی فوج حصہ لے رہے ہیں۔
کہا جارہا ہے کہ مذکور ہ علاقوں میں ہیلی کاپٹر ایس این جی کمانڈو اتار رہے ہیں ۔
فوجی جارحیت سے پہاڑی علاقوں وقصبوں سے مواصلاتی نظام کو مکمل طور پر بند کردیا گیا ہے۔
اب تک علاقائی سطح پرکسی قسم کی گرفتاری ، ہیلی کاپٹرشیلنگ اورفائرنگ سے ہلاکت کی خبریں سامنے نہیں آئیں۔
واضع رہے کہ گذشتہ روز پسنی میں فوج پر حملے میں آئی ایس پی آر کے مطابق 14 اہلکار ہلاک ہوگئے جبکہ علاقائی ذرائع بتاتے ہیں مذکورہ حملے میں 20 سے زائد اہلکار ہلاک ہوگئے تھے ۔
