بلوچستان کے سی پیک مرکز ضلع گوادر کے ساحلی شہر جیونی میں پاکستان کوسٹ گارڈ نے حسب روایت علاقائی ماہیگیروں پر لاٹھی جارج کرکے انہیں تشدد کا نشانہ بناکر سمندر جانے سے روک دیاہے۔
علاقائی ذرائع کا کہنا ہے کہ جمعرات کی صبح ایک بار پھر کوسٹ گارڈ کی جانب سے کنٹانی ھور پر علاقائی ماہی گیروں کو سمندر جانے سے روک دیا گیا اور ان پر لاٹھی کرکے گالی گلوچ بھی کی۔
ماہی گیروں کا کہنا ہے کہ کنٹانی ھور پر کوسٹ گارڈ نے متوازی حکومت قائم کی ہے جو کسی کو نہیں مانتی ، انتظامیہ کوسٹ گارڈ کے سامنے بے بس ہے۔
کنٹانی پر ماہی گیروں اورکاروباری حضرات اور مزدوروں نے حق دو تحریک اور آل پارٹی گوادر سے اپیل کی ہے کہ کنٹانی کاروبار پر آئے روز کوسٹ گارڈ کی مظالم اور غنڈہ گردی پر کردار ادا کریں چونکہ کنٹانی ہزراوں مزدوروں کا واحد کاروبار کا ذریعہ ہے، آئے روز کوسٹ گارڈ کی مظالمت اور غنڈہ گردی سے ہزاروں خاندانوں کا واحد روزگار ہاتھ سے چن جانے کا خدشہ پیدا ہورہا ہے جوکہ ضلع گوادر کےلیے معاشی بدحالی کا سبب بن سکتی ہے۔
