بلوچستان کے علاقے ڈیرہ بگٹی میں فوجی آپریشن گذشتہ 13 دنوں سے جاری ہے ۔
تازہ ترین اطلاعات کے مطابق فورسز نے مزید 3 افراد کو جبری گمشدگی کا نشانہ بنایا ہے ۔
علاقائی ذرائع کا کہنا ہے کہ فوج نے اوچ کے قریب علاقوں میں آپریشن کرتے ہوئے دو بھائیوں سمیت 3 افراد کو حراست میں لیکر لاپتہ کردیا۔
لاپتہ کئے گئے افراد کی شناخت علی محمد ولد دل مراد بگٹی، نور محمد ولد دل مراد بگٹی اور یار خان ولد شاہ علی بگٹی کے ناموں سے ہوئی ہے ۔
علاقائی ذرائع بتاتے ہیں کہ اوچ کے ہی علاقے لاغر داوان سے مقامی لوگوں کے تین ٹریکٹر کو بھی فورسز نے اپنے تحویل میں لیا اور ان کو اپنی فوج کو راشن سپلائی کیلئے استعمال کررہا ہے۔
فوج کی جانب سے ٹریکٹر مالکان کو حکم دیا گیا ہے کہ فوج کو راشن سپلائی کیلئے تیل وغیرہ کا خرچہ بھی وہ خود ہی کریں۔
مقامی افراد کا کہنا ہے کہ سوئی کے قریب سوناری مٹ کے علاقے میں ایک سکول پر بھی فوج نے قبضہ کر کے اسے اپنے کیمپ میں تبدیل کریا ہے۔ جبکہ سوئی سے تین ہیلی کاپٹر بھی مسلسل درینجن، گنڈوئی اور آسرئی کے علاقوں پر گھوم رہے ہیں۔
