پاکستان کے صوبہ پنجاب کے ڈیرہ غازی خان ڈویژن کے راجن پور کے علاقے فاضل پور میں دوران ڈرائیونگ ڈرائیور کی آنکھ لگنے سے تیز رفتار مسافر بس الٹ گئی، حادثے میں 5 افرادہلاک اور 20 افراد زخمی ہوگئے۔
ریسکیو ذرائع کے مطابق حادثے میں ہلاک ہونے والوں میں 2 بچے اور ایک خاتون بھی شامل ہیں، حادثے میں مجموعی طور 5 افرادہلاک اور 20 افراد شدید زخمی ہوئے۔
ڈسٹرکٹ انچارج ریسکیو کے مطابق فاضل پور میں ڈرائیور کو نیند آنےکی وجہ حادثہ پیش آیا۔
حادثے کےبعد ریسکیو اہلکاروں نےلاشوں اور زخمیوں کو ڈسٹرکٹ اور اور تحصیل اسپتال فاضل پور منتقل کر دیا ہے۔
ریسکیوانچارج کا کہنا ہے کہ مسافر بس میں سوار افراد سخی سرور سے جیکب آباد جا رہے تھے کہ ان کی بس کو حادثہ پیش آ گیا۔
