بلوچستان کے سی پیک حب شہر گوادر سے پاکستانی فورسز کے ہاتھوں لاپتہ ہونے والے عظیم دوست کی جبری گمشدگی کو 9 سال مکمل ہوگئے ہیں۔
عظیم دوست کی اہلخانہ کی جانب سے 3جولائی کوایک احتجاجی ریلی کاانعقاد کا اعلان کیا گیا ہے جو صدف ہوٹل سے شروع ہوکر سید ہاشمی چوک پراختتام پذیر ہوگا۔
لاپتہ عظیم دوست اہلخانہ کاکہنا ہے کہ ان کی گمشدگی کو 3 جولائی کو 9 سال پورے ہوگئے ہیں۔ان 9 سالوںسے پوری فیملی ایک کرب سے گزر رہی ہےلیکن وہ ابھی تک بازیاب نہیں ہوسکے ۔
انہوں نے کہا کہ سالیں بیت جاتی ہیں لیکن عقوبت خانوں میں قید ہمارے بچے واپس نہیں آتے ۔
عظیم دوست کی فیملی نے تمام مکتبہ فکرکے لوگوں سے اپیل کرتےہوئے کہا کہ 3 جولائی کا احتجاجی ریلی عظیم دوست سمیت تما م لاپتہ افراد کی بازیابی کیلئے منعقد کی جارہی ہے جس میں تمام لاپتہ افراد کی بازیابی کیلئے آواز اٹھائے جائے گی اور یہ آپ لوگوں کی شرکت سے ممکن ہوپائے گا۔
عظیم دوست کے ہمشیرہ دوت کا کہنا تھا کہ 3 جولائی ٹوئٹر پر ایک کمپین بھی چلائے جائے گی ۔
