بلوچستان لبریشن فرنٹ نے گوادر اورآواران میں پاکستانی فوج پر حملہ اورعسکری تعمیراتی کمپنی کے مشینریز کو نذرآتش کرنے کی ذمہ داری قبول کرلی۔
بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں مذکورہ کارروائیوں کی ذمہ داری قبول کرتے ہوئے کہا کہ گذشتہ شب 2فروری بوقت رات 9بج کر بیس منٹ پرسرمچاروں نے گوادر کے علاقے کلگ کلانچ میں پاکستانی فوج کی تعمیراتی کمپنی فرنٹیئرورکس آرگنائزیشن (ایف ڈبلیو او)کے کیمپ پر حملہ کرکے وہاں پر موجود تمام مشینریز کو نذرآتش کردیا ہے۔
نذر آتش کئے گئے مشینریز میں 7گاڑیوں میں 3 ڈمپر،ایک لوڈر، ایک واٹرٹینک،ایک رولراورگریڈرشامل تھی۔
ترجمان نے کہا کہ کیمپ میں موجود گاڑیوں سمیت دیگر تمام مشینریز کو نذر آتش کیا گیا ہے جو مکمل طور پر جل کر خاکستر ہوگئے۔
جبکہ ایک دوسری کارروائی میں آواران میں پاکستانی فوج کے کیمپ پرراکٹ داغے گئے۔
گذشتہ شب گیارہ بج کر 55منٹ پر سرمچاروں نے پاکستانی فوج کے کیمپ پر راکٹو ں سے حملہ کیا۔
راکٹ مختلف سمتوں سے فائر کئے گئے جو کیمپ میں گر کر زرو دار دھماکوں سے پھٹ گئے۔جس سے فورسز کو جانی ومالی نقصان پہنچا ہے۔
ان دونوں حملوں کی ذمہ داری بی ایل ایف قبول کرتی ہے اور بلوچستان سے انخلا تک دشمن عناصرکیخلاف یوں ہی حملے جاری رہیں گے۔
